係個blog到見到有人要求我o地講o下師生戀，所以下一集我同綠sir會同因應呢個要求做呢個題目。有興趣的聽眾或者以經成為阿sir太太的可以留o下言，等我o地又討論o下D老師或者研究o下D老師係唔係一個理想的情人或者伴侶，D學生又點解會暗戀D老師啦，又或者點解D老師會愛上D學生啦。

昨天的podcast-騎呢政策，唔知點解post咗上嚟呢到之後會變咗雞仔聲？有冇朋友仔可以幫吓手攪攪佢，等聽眾朋友可以聽得清楚D。我係用AUDITION 2.0 將個WAV FILE轉到96BIT的MP3，我係MOCAST個平台上面聽到有D朋友都有呢個問題，但唔係個個都有，係自己電腦聽又冇問題嗰喎!真係奇怪。知點解決的朋友，麻煩SEND個EMAIL比小弟(wongsir.hk@gmail.com)，等小弟攪攪佢，我以經SEND咗EMAIL比MOCAST，佢哋都未覆我呀，唯有等等佢啦。

各位網友，終於錄到啦！不過呢一集感覺同其他幾集有些少唔同，綠SIR正經咗，黃SIR巴聲怪咗，最大問題係個題目……騎呢政策，真係好鬼正經，聽吓呢一集，睇吓大家鍾唔鍾意呢個FEEL。

(騎呢政策_112_22 - 50798.mp3 )

見到大家都好努力咁等我哋新一集的騎呢系列，我哋都好開心，之但係最新一集(亦都騎呢系列的最後一集)呀綠sir話要做吓功課，認真D喎，所以延遲咗，講個秘密比大家聽，綠SIR呢集會睇完論文先講，大家留意吓啦(綠SIR好勁呀！)，應承大家，唔會遲過15號出！心急的朋友留多兩隻字係到，等我同綠SIR快D出呢一野啦！

P.S. 中四同中六的同學仔唔好浪費個暑假呀！記住要抽D時間預備吓會考，先人哋預備，你都可能仲有四五個暑假，否則…….真係過埋呢個暑假冇仇報。