新一個系列終於出現，這個系列主要目的是想以不同的角度，以及對學生行為問題重新作出審視，希望新入職的老師，現職的父母親，可以聽完這個節目之後有一個自己處理仔女、學生的方法。

第一集會以最常見的學生問題-講粗口作為開場，在這一集中，綠SIR會以一個半專家(親生經驗+大量的參考文件)的角度分析學生的問題，而黃SIR就會以一個發神經的方法，講講可以點樣罰時常講粗口的學生。大家如果有特別的方法處理這類學生，可以留言心黃SIR與綠SIR，讓大家分享教學生的心得。

(粗口 - 59797.mp3 )

Miss同阿Sir的分別可能唔多，但對師生戀的睇法就好大分別，有D乜野分別？大家自己聽吓啦。

(Miss - 59742.mp3 )

新一集以經錄好，但由於真係太忙，所以冇時間作編輯及上載。係到預告吓，新一集會有一位嘉賓，繼白SIR之後會有一位…，唔講咁多，大家自己留意吓。

另外知道因為我哋的錄音時間冇定時，所以好多朋友以經冇聽我哋個節目。係到扮吓野，教大家點樣可以唔上嚟由知道我哋上載咗新一集，如果大家有留意係我哋個版面左面的選單上面有一個超連結寫住RSS，其實佢有一個功能，就係話比你哋知，我哋有冇做更新，你哋只要將RSS拖到IE7右上角的圖標上(右手面開始數第四個)，當我哋更新咗，你就會見到個圖標由灰色奱咗做橙色，咁你哋就可以入嚟聽我哋新錄的節目。

最後回應吓BUZZ，我哋個節目真係好長，所以避免再出現聽得一節聽唔到第二節的情況發生，我哋係下集開始，會將個節目分上下兩部份，希望可以解決問題。而下一集的第二節會講吓老師、家長點樣可以教導小朋友唔好再講粗口，綠SIR就會以佢的專業教育知識加上王SIR一D九唔搭八的方法，教大家點樣糾正學生講粗口的壞習慣。

下一集發佈日期係下星期三，十一月廿二日。記住收聽。